Invitashon na klousura “Kunukito di Kas i di Bario” Montaña
Invitashon na klousura “Kunukito di Kas i di Bario” Montaña
Kòrsou- Djasabra 15 di febrüari 2020 “Kunukito di kas i Bario” Montaña ta presentá: Mi kurá mi kuminda. Grupo di Kunukito Montaña ta invitá bo bin eksperensiá i siña kon nos mes por planta nos mes kuminda saludabel i dushi den nos mes kurá i kon prepará esaki den nos mes kushina.
Riba e dia aki partisipantenan di e bario lo kompartí tur nan konosementu i eksperensiá atkerí durante e proyekto Kunukito kas i Bario. Lo tin diferente demonstrashon tokante plantashon i naturalmente demonstrashon kon pa kushiná saludabel i dushi. Bin purba kosnan di nos tera prepará na un manera úniko.
Minister di Salú, Medioambiente i Naturalesa, Sra. Suzy Camelia Römer i Grupo Kunukito di kas i Bario Montaña ta invitá bo pa bin pasa un dia edukativo i salú na klousura di e proyekto aki den nan bario di Montaña.
Esaki lo tuma lugá na Kunuku Toliban na Montaña. Orario ta di mitar di 11 di mainta pa 4 or di atardi.\