Petishon pa un reunion di komishon sentral konforme artíkulo 33 di Reglamentu di Orden (RvO) ku komo punto di agènda, Skucha Sinusta sindikato di taksistanan i tambe un representante di esnan ku ta dispone di un òf mas pèrmit di “Tour Wagen” (TW) , relashoná ku e ideanan di gabinete Rhuggenaath pa restrukturá transporte públiko

Na: Presidente di Parlamento

Señor W. Millerson

Wilhelminaplein # 4

PRESENTE

 

Tópiko: Petishon pa un reunion di komishon sentral konforme artíkulo 33 di Reglamentu di Orden (RvO) ku komo punto di agènda, Skucha Sinusta sindikato di taksistanan i tambe un representante di esnan ku ta dispone di un òf mas pèrmit di “Tour Wagen” (TW) , relashoná ku e ideanan di gabinete Rhuggenaath pa restrukturá transporte públiko

 

Kòrsou, 17 di febrüari 2020

 

Señor Presidente,

 

Frakshon di Movementu Futuro Kòrsou (MFK), pa medio di esaki kier pidi bo pa yama un reunion di komishon sentral ku e tópiko ariba menshoná. 

Transporte públiko ta un area ku ta wòrdu sirbi pa mas ku un tipo di medio di transportá. Den un reunion di komishon sentral dia 6 di febrüari último a duna oportunidat na sindikato di shofùrnan di bus pa a duna nan pensamentu riba e forma kon transporte públiko ta funshoná.

Frakshon di MFK ta kere ku mester skucha Sinusta ku ta e sindikato ku ta representá taksistanan i tambe un representante di esnan ku ta dispone di un òf mas pèrmit di TW. Debí ku nan tambe ta hunga un ròl den e area di transporte públiko i Parlamento i mester skucha nan tambe promé ku Parlamento tuma kualkier desishon riba restrukturashon di transporte públiko.

Tumando na kuenta e punto ariba Frakshon di MFK ta pidi presidente di Parlamento pa konvoká e reunion aki mas pronto posibel pa asina duna oportunidat na tur “stakeholdersnan” den e area di transporte públiko oportunidat di wòrdu skucha dor di Parlamento, promé ku tuma kualkier desishon riba restrukturashon di transporte públiko.

Na nòmber di frakshon di MFK,

Gimar Pisas    Charles Cooper    Gilbert Doran   Juniël Carolina