Detenshon pa violashon di lei di arma di kandela.

KOMUNIKADO DI PRENSA 088/ 2020
26 febrüari 2020
Detenshon pa violashon di lei di arma di kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 26 di febrüari 2020, alrededor di 02.13’or, Polis a haña notifikashon ku den
área di Brionplein un persona lo a menasá un otro ku un arma di kandela.
Polis a kuminsá ku un investigashon i a kuminsá ku persiguishon di un hòmber ku ta
kuadra ku deskripshon di e sospechoso ku un ratu promé a menasá e otro ku arma di
kandela. Bou di viadukto den Breedestraat Otrobanda polis a para e hòmber aki i
durante di un kontrol a haña den un tas ku e sospechoso tabatin den su poder, un
revòlver i a konfiská esaki.
Alrededor di 23.40’or polis a detené e hòmber sospechoso J.B., nasé na Kòrsou di 21
aña di edat, pa violashon di lei di arma di kandela.
A presentá e sospechoso dilanti un Fiskal Ouksiliar ku a ordená su enkarselamentu
pendiente di mas investigashon.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: