Detenshon den esfera relashonal.

KOMUNIKADO DI PRENSA
090 / 2020
28 febrüari 2020
Detenshon den esfera relashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djabièrnè 28 di febrüari, alrededor di 12.53 or, Sentral di Polis a dirigí un patruya na un kas
den área di Klein Sta. Martha pa un problema relashonal, kaminda e sospechoso a lòs algun
tiru den laira. Despues di su akto el a bandoná e sitio riba un scooter.
Riba kaminda pa Pannekoek un patruya a topa ku e scooter bayendo den direkshon di
Fontein.
Mesora e unidat polisial a bai su tras, na momento ku e sospechoso a nota esaki, el a
maniobrá ku e scooter i a aksidentá den un vèn-bus. E shofùr di e scooter aki a haña algun
leshon e.o. raspu na su kara i un kap bou di su wowo.
Durante di un kontròl riba e sospechoso, polis a haña un arma di kandela den un tas ku e
tabatin den su poder. Na e adrès ariba menshoná tambe e agentenan a haña algun kashi di
bala. Polis a konfiská e arma i kashinan di bala.
Despues di a risibí tratamentu médiko a detené e hòmber sospechoso A.D. nasé na Kòrsou
di 27 aña di edat, i a present’é dilanti di un fiskal ouksiliar ku a ordená su enkarselamentu
pendiente di mas investigashon.