Na UOVV por paga ku ‘swipe’ òf bin ku komprobante di banko 

Na UOVV por paga ku ‘swipe’ òf bin ku komprobante di banko 

 

Willemstad – Servisio pa Tráfiko i Transporte (UOVV) ta rekordá tur kliente ku por hasi tur tipo di pago na e instansia via di ‘swipe’ ku nan karchi di banko. Tambe por bin ku un komprobante di e depósito di banko na UOVV na Parera. E number di kuenta ta MCB # 31968208. UOVV ta enkargá ku entre otro kùrmentu di vehíkulo, pasa un vehíkulo pa otro doño, registrashon di vehíkulo i mas. 

 

Paga via di ‘online banking’ no ta posibel. Esaki ta debí na diferente sirkunstansia. Ta trata di un kantidat supstansial di pago diario i mester di e kapasidat i teknologia adekuá pa garantisá ku esaki ta sosodé na un manera korekto i kontrolá. Ainda esaki no ta reglá. 

 

UOVV ta sigui traha pa duna su klientela e servisio deseá.