FDOK ta felisitá i ekspresá apresio pa aporte balioso di hende muhé den deporte na Kòrsou.

FDOK ta felisitá i ekspresá apresio pa aporte balioso di hende muhé den deporte na Kòrsou.

Dia internashonal di hende muhé
PABIEN na tur ser femenino.

KASTIGU DI MORTO PA HENDE MUHE !!!!!
Den deporte tambe hende muhe mester a hiba un lucha di emanisipashon.


Na aña 776 promé ku Kristu e promé Weganan Olímpiko Klásiko a keda tené na Olympia. Katibunan por a presensiá e Weganan, pero pa hende muhé kasá, e tabata prohibí i ta tin kastigu di morto pa esnan ku faya ku e prohibishon. Muhé soltero!! si por a bishitá i presensiá e weganan sin problema. Sinembargo tabata PROHIBI pa hende muhé partisipá.


WEGANAN OLIMPIKO MODERNO
Fundadó di Weganan Olímpiko (WO) moderno Piere de Coubertin tabata radikalmente KONTRA partisipashon di hende muhé den WO i a mantené su punto di bista te final. Hende muhé por a presensiá deporte, pero NO por a partisipá. Na e promé Weganan moderno na Athenas (1896) niun hende muhé por a kompetí!!!


Esei ta nifiká ku den deporte TAMBE, hende muhé mester a inisiá un lucha di emansipashon pa akseptashon den DEPORTE i a dura basta aña promé ku esei a bira (parsialmente) realidat.
Na e siguiente W.O. solamente 11 hende muhé e keda permití pa partisipá, na 1904 ocho hende muhé i na 1908 36 hende muhé.


WEGANAN OLIMPIKO PA HENDE MUHE SO !!!!
Ora Madame Milliat su petishon pa inkluí eventonan di atletismo pa hende muhé no a haña akohida e a lanta “Fédération Sportive Fémenine Internationale (FSFI) ku na 1922 (Paris) a organisá e promé WEGANAN OLIMPIKO PA HENDE MUHE!!! Esta un kurashi di kita sombré.


Na 1926 a organisá e di dos W.O. pa hende muhé na Gotenburg. Riba protesta fuerte di Komité Olímpiko mester a kambia e nòmber pa Weganan Internashonal pa hende muhé. Federashon di ATLETISMO mundial e tempu ei, tabata un di e federashonnan ku mas a bringa KONTRA partisipashon di hende muhé.


Ta DESPUES ku e fundadó di W.O. Pierre de Coubertin a baha komo presidente, hende muhé a logra gana e bataya i a logra partisipashon pa promé be den atletismo na W.O. den 1928 na Amsterdam. FSFI a keda organisá weganan pa hende muhé te 1943 ora porfin a logra partisipashon kompletu di atletismo pa hende muhé riba programa olímpiko.

Te ku 1981 – apenas 30 aña pasá-  Komité Olímpiko Internashonal (KOI) tabata un asuntu úniko i eksklusivamente pa hende hòmber. Ta te na 1981, Pirjo Haggman (Finlandia) i Flor Isava-Fonseca (Venezuela) tabata e promé hende muhénan ku a keda nombrá den KOI. Durante kongreso “Hende muhé den deporte” na UNA, sra. Flor Isava-Fonseca, riba invitashon di sra. Minister Dijkhoff a tene un charla hopi interesante.


Awe dia internashonal di hende muhé, un bon okashon pa FDOK ekspresá apresio na tur hende muhé enbolbi den deporte i danki speshal pa e trabou boluntario i profeshonal di TUR dirigente. femenino (atministrativo, tékniko i di kompetensia) ku a i ta dunando nan aporte balioso den deporte na bienestar di nos pais Kòrsou.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: