Parlamento di Kòrsou ta anunsia medidanan pa ku tribuna públiko
Parlamento di Kòrsou ta anunsia medidanan pa ku tribuna públiko
En bista dje echo ku a eskalá e nivel di prekoushon na esun di kalamidat relashoná ku desaroyonan rondó di e vírùs COVID-19, mihó konosí komo Corona vírùs, Parlamento ta anusia e siguiente medida pa ku uso di e tribuna públiko.
E tribuna públiko na e Sala Plenario di Parlamento lo ta será pa públiko te próksimo aviso. Presidente di Parlamento ta konta ku indulgensia di públiko en general pa ku e situashon ku a surgi.
Por skucha e reunionnan di Parlamento via e medionan di kustumber kualnan ta radio emisora Z-86 i e sistema di webcasting atrabes di www.parlamento.cw i e página di Facebook di Parlamento.