PARTIDO MAN TA POSPONÉ SU KONGRESO EKSTRA-ORDINARIO I EVENTO DI INSTALASHON DI SU LIDER POLĺTIKO NOBO

PARTIDO MAN TA POSPONÉ SU KONGRESO EKSTRA-ORDINARIO I EVENTO DI INSTALASHON DI SU LIDER POLĺTIKO NOBO

 

Kòrsou, 15 di mart 2020

 

Partido MAN a tuma nota di e situashon aktual di un “Pandemia” relashoná ku      COVID-19 i tambe di medidadanan ku Gobièrnunan rònt Mundu ta tumando.            Den e kuadro aki, Gobièrnu di Kòrsou a dekretá un “estado di krisis” i a anunsiá medidanan drástiko di restrinshon pa prevenĺ mas tantu posibel, kondishonnan ku por resultá den eventual fuentenan di kontaminashon. E medidanan aki ta pa evitá ku personanan den nos komunidat por keda kontagiá, pa motibu ku a bira konosí,  ku Outoridatnan lokal di Salú, a konfirmá dos kaso te na e momentu aki ku a tèst positivo.

 

E medidanan tumá ta mustra seriedat di e situashon aktual den nos komunidat, loke  ta eksigí pa tur instansia, organisashon i kada suidadano karga responsabilidat i kontribuí na esfuersonan di Outoridatnan kompetente, pa evitá un eventual brote     di kontaminashon i ekspanshon di e virus aki den nos komunidat, ku konsekuensianan no deseá. Un di e rekomendashonnan importante ta pa evitá konsentrashon di gruponan di mas ku 100 (shen) persona durante enkuentronan.

 

Partido MAN, konsiente di su responsabilidat síviko i tambe su obligashon pa kontribuí na garantisá un kuadro di protekshon pa salú i bienestar di tantu su miembronan, komo di suidadanonan di Kòrsou en general, a disidí pa posponé,        te ku próksimo aviso, tantu su Kongreso ekstra-ordinario, konvoká pa djasabra   21 di mart 2020 parti mainta pa trata asuntunan di organisashon i skohe un lider polítiko nobo pa MAN, komo e Evento sosial organisá parti anochi riba mesun fecha, pa instalá e lider nobo i duna rekonosementu na e lider saliente. 

 

Partido MAN ta hasi un apelashon riba tur su miembronan, suidadanonan di Kòrsou  i tur otro organisashonnan den nos komunidat, pa informá nan mes bon di tur instrukshon i rekomendashon di parti Outoridatnan kompetente riba tereno di maneho di Salubridat, di manera ku koletivamente nos ta logra protehá Komunidat  di Kòrsou, kontra posibilidatnan pa ekspanshon di e virùs aki i su konsekuensianan.

 

Direktiva di Partido MAN

 

______________________                                  ________________________ 

drs. Yves Schoop                                                   Roland Ignacio

Presidente                                                              Sekretario General

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: