Premier Evelyn Wever-Croes: Distanciamento Social: ‘Stop di Plam’e’! GABINETE WEVER-CROES A HACI CONFERENCIA DI PRENSA NA FOMRA DIGITAL

Premier Evelyn Wever-Croes:

Distanciamento Social: ‘Stop di Plam’e’!

GABINETE WEVER-CROES A HACI CONFERENCIA DI PRENSA NA FOMRA DIGITAL

 

Diadomingo 15 di maart anochi, Prome Minister Evelyn Wever-Croes, den nomber di Gobierno di Aruba a anuncia varios pasonan cu Gobierno di Aruba a tuma y mester tuma ainda pa loke ta trata e Virus Corona. Como parti di e solucion pa stop di plama e virus rond, mundialmente a cuminsa practica ‘Social Distancing’, Distanciamento Social. Prome Minister a anuncia cu Aruba mester awo tuma e mesun pasonan aki pa asina evita pa e virus plama. 

 

Despues di e anuncio aki, Gobierno di Aruba tambe ta sigui e conseho mundial y ta adapta conferencia di prensa di Gobierno di Aruba desde dialuna 16 di Maart 2020 y practica distanciamento social. Nos lo ta Live via Pagina di Facebook di Gabinete Wever-Croes y miembronan di prensa por haci nan preguntanan via Whatsapp na e number di contacto. 

 

DVG tawata encarga pa duna update y informacion tocante Corona Virus. Sra. Jurette Croes, Communicatie adviseur di DVG y MIiembro di Crisis Team y sra. Tirzlyn Kolfin WH Seccion Cuido di nos grandinan a elabora riba ultimo desaroyonan di Corona Virus. E enfasis tawata ta e cuido di nos grandinan en general.

 

Cu e cambio aki ta evita cu prensa bin den grupo bou di un solo dak. No tin uzo di microfone cu ta wordo pasa rond y tampoco tin e sacudi di man cu tur hende na Aruba ya ta costumbra di dje. Asina aki, hunto nos ta contribui na ‘Stop di Plam’e’!

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: