Asuntunan Públiko (Kranshi) ku adaptashon den nan Servisio

March 18, 2020 REDAKSHON

Asuntunan Públiko (Kranshi) ku adaptashon den nan Servisio

Geplaatst op 17 March 2020 dor di Ministerio Maneho di Gobernashon, Planifikashon i Servisio Públiko

Willemstad – Asuntunan Públiko (Kranshi) di e Ministerio di Maneho di Gobernashon, Planifikashon i Servisio Públiko ta partisipá su plan di aserkamentu di emergensia te ku 31 di mart.

Entrante 18 di mart Asuntunan Públiko ta adaptá fluho di kliente di e siguiente manera:

Ta permití un kantidat di 10 persona pa pasa na e sala grandi kada mei ora i 7 persona den e sala chikí;
Sala matrimonial 10 persona pa kada seremonia;
Tur kliente ku mester di ‘uittreksel’ i akta ta keda referí na hasi su petishon via telefòn òf via di mail;
Sitanan pa Sédula di dia 18 di mart ta sigui normal;
Sitanan di Reibeweis di dia 18 mart ta haña otro fecha. Lo risibí un yamada telefóniko pa un sita nobo;

Orario di servisio entrante 19 di mart

07:00 – 13:00 ta destiná pa:

Por akudí pa servisionan manera inskripshon di nasementu, di fayesimentu, di kambio di direkshon, ‘uitschrijving’, ‘inschrijving’, tuma Stamboom;
Sita di Pasaporte, Sédula i reibeweis.

13:00 – 19:00 ta pa e empleadonan atendé tur e petishonnan den backoffice

Pues tur esnan ku tin sita lo risibí un yamada telefóniko pa un sita nobo. Tur petishon uittreksel, prueba di ta na bida i aktanan por wòrdu pidi via di email òf telefónikamente. Por hasi pago via di banko i pasa tuma esaki na lokèt.

Tur verklaring i uittreksel práktikamente por wòrdu pidí via email òf telefónikamente.

Lo regla e eksámennan di reibeweis di teoria i Teoria oral konforme sita nobo.

Aki ta sigui algun informashon adishonal di Asuntunan Públiko na momento di informashon òf pago pa un servisio.

*Emailadres:*	*Info.bsbv@gobiernu.cw*
*Telefoon:*	*434-1600*
*Bankrekening MCB*	*31968502*	*Alle producten/diensten “Kranshi” incl. afgifte rijbewijzen*
*Bankrekening MCB*	*31968110*	*Theorie-en Praktijkexamens Rijbewijzen*