Ta introdusí reglanan temporal kon pa atendé kuminda i bebida

Ta introdusí reglanan temporal kon pa atendé kuminda i bebida

Geplaatst op 25 March 2020 dor di Ministerio Salubridat Públiko, Medio Ambiente i Naturalesa

Willemstad, 25 di mart 2020 – Ministerio di Salubridat Públiko, Medio Ambiente i Naturalesa ta introdusí reglanan temporal kon pa atendé ku kuminda i bebida, pa medio di e “Tijdelijke regeling handel eet- en drinkwaren COID-19”.
E regulashon aki ta konta pa tur establesimentu ku tin pèrmit di horeca i permit di standplaats. Esaki ta enserá ku entrante awe, djárason 25 di mart 2020, for di 1’or di mèrdia:

1. No ta pèrmití sinta kome ni bebe na ningun establesimentu.
2. Tin reglanan spesífiko kon restorantnan i establesimentunan ku ta bende kuminda i bebida mester ofresé nan servisio durante e periodo di COVID-19.
a. Ora di entregá kuminda òf bebida mester mantené un distansha di 2 meter te na e kliente, i tambe entre klientenan;
b. Ta duna servisio na un solo kliente, tur otro miembro di famia ta warda den outo;
c. Ta limitá pagonan ku sèn kèsh;
d. Mester desinfektá mashin di “swipe” despues di kada transakshon;
e. No ta pèrmití pa klientenan mes pone sous òf otro ingredientenan;
f. Ta usa empake ekológikamente sano.

E areglo aki ta drenta na vigor for di awe djárason 25 di mart 2020 pa 1’ or di mèrdia.