KOMUNIKADO DI KUERPO POLISIAL KÒRSOU topiko video riba medio sosial kaminda hoben ta stur outo (ku video kompletu)

Adrès : Winston Churchillweg z/n • Willemstad • Curaçao
KOMUNIKADO DI PRENSA 130 / 2020

31 mart 2020

Video riba medio sosial.

Kuerpo Polisial Kòrsou a tuma nota di un video riba media sosial, ku ta kontené imágennan kaminda un menor di edat ta manehá un vehíkulo.
Djamars 31 di mart 2020, alrededor di 12.00’or durante patruya, e Tim di Mantenshon di Órdu Públiko a rekonosé e vehíkulo ku ta paresé riba e video pará riba Rooseveltweg.
Na e sitio, e tim a hasi un investigashon pa saka afó ta ken ta doño di vehíkulo aki.
A resultá ku e doño di e vehíkulo, ta tata di e menor ku tabata manehá e vehíkulo.
Mes ora polis a konfiská e vehíkulo i a ordená e hòmber aki pa pasa warda huntu ku e yu ku tabata manehá e vehíkulo, pa kontinuá ku e investigashon