INBOX DI KLIENTE: MCB ta adaptá su sistemanan pa por brindá un mihó servisio

MCB ta adaptá su sistemanan pa por brindá un mihó servisio

Willemstad – Despues ku klientenan a ekspresá nan malkontentu, MCB a tuma akshon mesora pa remedià e situashon. Manera a indiká promé, klientenan tabata sinti falta di koperashon di banko pa ku e situashon ku nos ta aden. Komo ku tabatin resistensia di parti di banko pa duna sierto servisionan di un forma digital. Siendo ku e kliente no ta permití pa ta riba kaya pa asuntunan ku no ta vital.

Afortunadamente, por a tuma nota ku MCB ya a kuminsa duna atenshon na e situashon. I a kuminsa atendé klientenan di un forma profeshonal i modernisá. Aserka tin di bisa ku e banko a sa di demostrá ku kada un di su klientenan ta di gran balor. E forma ku ela atendé ku henter e situashon pa mehorá eksperensia di su klientenan, sigur ta algu di aploudí. Nos ta spera ku mas instansia ta tuma esaki komo ehèmpel i realisá ku digitalisashon ta di sumo importansia den e temporada di krisis ku nos ta aden i tambe pa futuro di Kòrsou.