Gerensia di Botica Muizenberg ta reakshona riba e preis di e pochi Vicks

Apresiado  klientela di Botica Muizenberg

 

Nos a tuma nota di un publikashon riba retnan sosial i tur e komentarionan.

E ta tratando di un pochi Vicks grandi 100g, original di Merka , ku segun un kliente ta demasiado karu i el a denunsia esaki serka MEO.

Diasabra henter e team di MEO, 10 hende, a bin presenta na Botica, pa atende ku e pochinan di Vicks.

Lokual nos mes a saka for di e rekinan kaba, wardando e investigashon.

Pasobra  ta diasabra i nos atministratie no ta traha, nos a palabra, ku nan ta regresa e sigiuente dialuna pa check nos faktura (inkoopbon) pa verifika ku e preis ta bon of no.

Diamars atardi e team di MEO e regresa pa kontrola e fakturanan, i e fakturanan di USA ta korekto, i e kalkulashon ta konforme ku lei stipula, i no tin niun problema of irrigularidat. Asina e preis tabata for di anja pasa. Hasta un miembro di e team de MEO a kumpra uno, prome ku nan kaba.

 

Nos di Botica Muizenberg ke splika ku e pochi nan di Vicks a bini for di USA, i kontando tur nos gastunan di vracht, invoerrechten, OB, permit di Inspektie i nos margen , stipula dor di lei, e preis ta resulta asinaki.

Si nos klientenan ta hanjele demasiado karu, nos lo konsidera pa no bestel e item aki mas.

Nos semper ta habri pa tur kliente ku bin ku prekupashon tokante nos produkto, pasombra nos ta hende i por faya , i si ta asina e kliente ta risibi su sen bek.

Botica Muizenberg lo no bende produkto mas karu , ku su preis berdadero, sigur den e temporado di krisis aki, ku tambe ta duro pa nos i nos famia.

 

Un saludo kordial,

Gerensia Botica Muizenberg

 

Semper na bo ordu !