GUARDIAN GROUP ta pone 116 mil florin disponibel   “Ora ku bo a hasi aña bo ta regalá algu ..” segun Diego Fränkel, Presidente – CEO

GUARDIAN GROUP ta pone 116 mil florin disponibel

 

“Ora ku bo a hasi aña bo ta regalá algu ..” segun Diego Fränkel, Presidente – CEO

 

GUARDIAN GROUP FATUM ta selebrá den luna di yüli próksimo 116 aña. E parti interesante di e aniversario aki ta ku 116 aña ta algu masha bunita i aña 2019 tabata un aña hopi bon pa e kompania. Di otro banda e ‘pandémia’, a konsekuensia di e vírus di Korona, ta hasi difísil pa nos selebrá di e forma ku nos a kustumbrá i ku ta pas pa e okashon. Organisashon di eventonan manera p.e. Guardian Group Walk & Run na e kuater islanan pa aworakí no por tuma lugá.

 

Loke si ta pas ta pa yuda aktivo den e lucha kontra e vírus di Korona. Na nos isla tin hopi hende ta traha masha hopi ora pa dia, bou di guia di Minister Presidènt Rhuggenaath, den estrecho kolaborashon ku Minister di Salubridat, Camellia-Römer, e gabinete kompleto, servisionan di Gobièrnu i instansianan, pa evitá ku e vírus ta plama i ekonomia por start atrobe.

Djabièrnè dia 24 di aprel e tim di maneho di Guardian Group Fatum a reuní via di un ‘Zoom – meeting (video conference), ku Minister Presidènt, Eugene Rhuggenaath, Minister di Salubridat, Medioambiente i Naturalesa, Suzanne Camelia Romer, Direktor di ‘Risico Beheersing i Rampenbeleid’, sr. Lesley Fer. Durante di e reunion digital aki, a pone un suma inisial di 116 mil florin disponibel di un forma digital i simbóliko, pa apliká na tantu nesesidatnan di índole médiko, komo sosial, manera e.o. repartishon di pakete di komestibel adekuá pa esnan ku tin hopi mester di esaki. Banda di esaki ta evaluando otro eventual forma di yudansa ku por ofresé.

“Guardian Group Fatum ta sigui desaroyonan relashoná ku COVID-19 hopi di aserka i lo keda envolví den aktividatnan ku por yuda start nos ekonomia di nobo. Danki na esfuerso grandi di hopi organisashon i persona nos ta mira futuro di nos pais positivo. Esaki danki na e echo ku e komunidat di Kòrsou ta unu ku ta kai, pero ta bolbe lanta para, segun Diego Fränkel, Presidente & CEO di Guardian Group Fatum.