Lansamentu di app di polis

KOMUNIKADO DI PRENSA 176 / 2020
25 aprel 2020
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Lansamentu di app di polis

Djabièrnè 24 di aprel 2020 a tuma lugá den sala di reunion di polis na Winston
Churchillweg, lansamentu di e app di polis.
Ta trata aki di un sistema digital ku polis entrante e fin di siman aki lo bai kontrolá e
kartanan di eksonerashon.
Tur e kartanan nobo ta dispone di un QR-code, ku na momentu ku e polis na e punto di
kontrol skèn e dokumento aki, mesora e por mira riba su aparato ku e persona tin
outorisashon pa ta riba kaya òf ku su karta a vense òf keda revoká.
Ku e sistema outomatisá aki e polis lo bai tin ménos kontakto físiko innesesariamente ku e
siudadano, ya ku no mester tin interkambio di dokumento mas ku por sòru pa
kontaminashon.
Tambe e polis, dor di ta ‘online’ por tin e status al dia di e siudadano ku ta riba kaya.
Un otro bentaha di e app di polis aki ta, ku e ta hopi mas efisiente na tempu tantu pa e polis
ku ta ehersé e kontrol komo e siudadano ku mester para den fila warda su turno.
E app di polis aki a bira posibel, danki na IBIS ku a sòru pa e ‘software’ i Digicel ku a pone e
aparatonan disponibel.
Esaki a tuma lugá pa medio di Direktorado di Kontrol di Riesgo i Maneho pa Kalamidat
Kòrsou.

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: