Curaçao Lions Club ta kopera ku 10 mil florin na Voedselbank

Curaçao Lions Club ta kopera ku 10 mil florin na Voedselbank

 

Willemstad –Corona vírus a perkurá pa sirkunstansianan basta kompleho i difísil pa hinter nos komunidat. Gobièrnu di Kòrsou a tuma e desishon pa un ‘lockdown’ ku a kousa un krísis ekonómiko enorme. Sinembargo esaki tabata nesesario pa skapa bida humano, pa kua Kòrsou por ta satisfecho ku te ainda nos a keda na solamente 16 kaso positivo kompará ku region i mundu.

 

Curaçao Lions Club ta sigui desaroyonan den nos komunidat hopi di aserka i sigur pa loke ta trata hendenan ku a pèrdè trabou kaba i esnan ku un ora pa otro lo pèrdè nan trabou. Komo konsekuensia di esaki un kantidat grandi di famia ta konfrontando situashon finansiero sumamente difísil i nan lo tin problema serio pa kubri e nesesidat di kuminda pa nan famia. 

 

Maneho di falta di alimento den tempu di krísis ta hopi importante i pa e motibu ei CLC ta aploudí i sostené e desishon di gobièrnu di Kòrsou pa kordiná tur yudansa den kuadro di maneho di falta di alimentu via di Voedselbank. 

Ku hopi satisfakshon Curaçao Lions Club ta hasi un donashon di Naf 10.000 na Voedselbank ku nan por kumpra produktonan nesesario pa e pakete básiko.  

Di e manera aki CLC ta duna un kontribushon na e esfuerso grandi pa yuda esnan den más nesesidat.

 

29 di aprel 2020

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: