Presidente nobo pa Movementu Progresivo (MP)

Presidente nobo pa Movementu Progresivo (MP)

Movementu Progresivo, teniendo kuenta ku reglanan stipulá den e krísis di COVID-19 ta hasi uso
di un komunikado pa emití e informashon na PRENSA en bes di organisá un rueda di prensa.
Movementu Progresivo, konstantemente trahando duru representando pueblo, ta keda
progresá i krese pa mehorá i sigurá su aporte kontinuo na nos komunidat pa un mihó Kòrsou.
Ku esaki den mente, nos a kuminsá insentivá nos trabounan pa komunidat paden i pafó di
Parlamento. Pa por realisá e kambionan i kresementu den nos mes seno, nos ta kontentu di por
anunsiá nombramentu di nos presidente nobo den nos organisashon: Anthony Hollander.
Señor Hollander a okupá vários posishon polítiko, i despues tambe komo miembro di konseho
insular i finalmente parlamentario, a tuma su retiru for di polítika aktivo na 2010 i bai bek den
sektor priva.
Mirando kon nos pais konsisténtemente ta bayendo patras kada aña riba vários tereno, manera
finansa, ekonomia, desempleo, infrastruktura, enseñansa, ekonomia i hustisia, sr. Hollander a
disidí ku ta su obligashon komo siudadano pa pone su eksperensia i talentonan na disposishon
di pueblo pa asina yuda krea un mihó futuro pa nos tur.
Di e forma aki, nos di Movementu Progresivo ta yama Anthony Hollander bon bini komo
presidente di nos organisashon.

M. Moses, MD
Lider Polítiko
Movementu Progresivo

 

This site uses Akismet to reduce spam. Learn how your comment data is processed.

%d bloggers like this: