Site icon KIKO TA PASANDO NOTISIA I INFORMASHON

Den kategoria Best Hotels & Resorts: Renaissance Curaçao Resort & Casino ta risibí nominashon di Condé Nast Traveler’s

Advertisements

Den kategoria Best Hotels & Resorts:

Renaissance Curaçao Resort & Casino ta risibí nominashon di Condé Nast Traveler’s

 

WILLEMSTAD – Renaissance Curaçao Resort a keda nominá pa Condé Nast Traveler’s su Reader’s Choice Awards 2020 den kategoria Best Hotels & Resorts. Resientemente Renaissance Curaçao Resort a finalisá su remodelashon i a desvelá un diseño moderno i un estétika chic nèt na tempu pa ‘high season’. E hotèl a selebrá su éksito komo un propiedat klave den Kòrsou su industria turístiko, i a remodelá e lobby, 223 kamber, e Casino i Nautilus Restaurant. 

 

Maske Renaissance Curaçao Resort, meskos ku kasi tur otro hotèl riba nos isla ta será pa motibu di COVID- tòg tin motibu pa selebrá e nominashon aki i ta enkurashá komunidat di Kòrsou pa vota via di https://www.cntraveler.com/rca/vote Por hasi esaki te ku dia 30 di yüni próksimo. Condé Nast Traveler’s ta un publikashon lider den kategoria di biahe. Aña pasá mas di 600,000 lektor i biahero registrá a vota pa nan hotèl òf resort faborito. For di un lista selektá di resort, únikamente 15% a sobresalí.  E popular Reader’s Choice Awards, e aña aki pa di 33 aña konsekutivo- ta rekonosé ekselensia den industria di biahe, konosí komo ‘e mihó di e mihónan den mundu biahe i turismo’. 

Exit mobile version