Pronóstiko di tempu pa Kòrsou i bisindario bálido te djaweps mainta 06:00 o.l., 7 di mei 2020.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l., 7 di mei 2020.
Kompilá: djarason 6 di mei 2020, 05:00 o.l. (09:00 UTC).

Tempu: Por lo general parsialmente nublá, seku i bientu lo supla de bes en kuando un poko fuerte.

Temperatura máksimo lo alkansá 32ºC i temperatura mínimo 26ºC.
Solo ta sali 06:14 i ta baha 18:51 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte; forsa 6 (40 te 50 km/ora, 22 te 27 nudo).

Situashon general: Durante e próksimo 24 ora, un tempu generalmente seku lo prevalesé den nos region. Tambe bientu lo oumentá gradualmente durante awe ku mañan, esaki tambe lo pone ku laman lo bai oumentá. Mas aleu, tin partíkula di stof den airu ku lo limitá visibilidat.

Kondishon di laman: Moderá ku altura di olanan entre 1 i 2 meter (3 pa 7 pia). E olanan di mas haltu lo ta riba laman na nort i ost di Kòrsou.

Fenómeno spesial: Ningun.

Perspektiva te djabièrnè mainta: Parsialmente nubla i seku.

Meteorólogo: Figueroa