Asuntunan Públiko -KRANSHI- ta sigui ku su servisionan den forma limitá

Asuntunan Públiko -KRANSHI- ta sigui ku su servisionan den forma limitá

Geplaatst op 07 May 2020 dor di Ministerio Maneho di Gobernashon, Planifikashon i Servisio Públiko

Willemstad –     Departamento Asuntunan Públiko (Kranshi), den kuadro di e krísis di COVID-19, ta sigui ku su servisionan den forma limitá. Teniendo na kuenta ku mester keda tene distansia di 2 meter i limitá kantidat di persona den sala. Kranshi ta pidi tur kliente e pasenshi nesesario na momentu ku ta bin risibí un di e servisionan. Sigui instrukshonnan di nos “bewakernan” i tene bo mes na reglanan di e organisashon.

Entrante 11 di mei próksimo Kranshi ta habri di djaluna te ku djabierne, di 9 or pa 12 or di mèrdia. E servisionan aki ta e siguientenan:

• registro di nasementu;
• registro di fayesimentu;
• pèrmit pa entiero;
• kita nòmber for di registro (uitschrijving);
• entrega di pasport (klientenan ta keda yamá pa pasa tuma);
• entrega di ‘uittreksel’/akta konforme petishon òf sita via e-mail (info.bsbv@gobiernu.cw).

Tur sita trahá online manera di Reibeweis, Sédula i pasport ta keda kanselá.

Servisionan relashoná ku Reibeweis i Sédula

Servisionan pa ku Reibeweis i Sédula no por keda duná ainda. E servisionan di  Reibeweis i Sédulanan ku no por a keda renobá a konsekuensia di e krísis di COVID-19 ta konta lo siguiente:

• Reibeweisnan i Sédulanan ku a kaduká entrante 1 di mart último, ta keda bálido te promé di yüli próksimo; 

Sédula relashoná ku pèrmit di estadia temporal

Personanan ku tin un pèrmit di estadia temporal, tin tambe un sédula ku ta kaduká riba e mesun fecha ku e pèrmit di estadia ta vense. Ta asina tambe ku e personanan aki mester saka un sédula nobo na momentu ku e pèrmit di estadia keda prolongá. Pa personanan ku entretantu a risibí un desishon riba nan petishon nobo pa pèrmit, 

pero ku no por a saka Sédula nobo pa motibu di e krísis di COVID-19, ta konta ku ta konsiderá nan Sédula komo bálido pa e periodo te promé di yüli 2020.  E personanan aki mester usa e Sédula huntu ku e pèrmit nobo.

Petishon pa otro servisionan por hasi esaki via e-mail ku ta: info.bsbv@gobiernu.cw . Tambe por yama pa informashon na:  434-1600.