POSIBILIDAT PA TUMA  LÈS DI MUZIK NA CFC.

POSIBILIDAT PA TUMA  LÈS DI MUZIK NA CFC.

 

WILLEMSTAD — Durante e periodo di  Covid 19, ku nos ta den, a drenta  hopi petishon, di  hendenan diferente edat, si ta posibel pa risibí formashon musikal.

 

E lèsnan di muzik Instituto pa Formashon musikal na hóbennan, aktualmente no por kontinuá pa falta di supsidio.

Despues  di asina hopi petishon,  e desishon a kai pa   habri posibilidat pa lès di Muzik den Curaçao Festival Center ku sosten di Amak, pa hóbennan for di 8 aña, i adulto di tur edat. 

 

Ta duna lès di diferente instrumènt, konforme e método di Instituto pa Formashon musikal, ku tabata asina eksitoso i produktivo durante último 15 aña. No ta nesesario pa por tin  eksperensha musikal.

 

Tambe tin oportunidat di lès pa esnan ku tin eksperensha kaba, i ke sigui desaroyá nan mes , mas aleu. 

 

Naturalmente, tur partisipante mester paga un tarifa, pa kubri gastunan operashonal.

 

Lèsnan lo  kuminsá na luna di Yüni próksimo, i tur lès ta tuma lugá den siman.

 

Pa demas informashon tokante inskripshon, tarifa i otro kondishonnan di  dia i orario, por fabor  yama: tel: 5139599.

 

Hasi uso di e oportunidat aki, pa siña toka un instrumènt.

 

Na nòmber di direktiva di AMAK