MAC ta anunsia reglanan importante pa nos sektor maritimo

MAC ta anunsia reglanan importante pa nos sektor maritimo

 

Willemstad –  Outoridat Marítimo di Kòrsou (MAC) ta anunsia diferente regla importante den kuadro di COVID-19 ku ta na vigor entrante 19 di mei. MAC a publika un asina yama ‘Notice to Shipping’ No. 11  (NTS-11). Esaki ta un resultado di un ekstenso kolaborashon entre MAC,  MEO, GMN, CPA i Havenmeester.

 

E siguiente puntonan ta importante:

    • Tur embarkashon ku ta deseá di hasi uso di e posibilidat di ‘Lay-up’ lo keda den karentena pa 2 siman largu bou di estrikto supervishon di nos outoridatnan di salubridat i di portuario. 
    • Karentena pa tripulantenan di yatenan ta solamente posibel den nos hotèlnan lokal. 

 

  • Kambio di tripulante i repatriashon ta posibel siguiendo e protokòl establesé pa nos outoridatnan lokal.

 

    • Nabegashon lokal, sea komersial òf pa plaser lo por nabegá bai Klein Kòrsou ku un máksimo di 25 persona, inkluso tripulante, na bordo. 

 

  • Tur regla di salubridat i ‘social distancing’ ta keda na vigor, tantu na bordo komo na tera, i ta konta pa tur embarkashon ku ta den nos hafnan.

 

Un kopia di e ‘Notice to Shipping’ ta aksesibel riba e website di MAC, esta   www.maritimecuracao.org bou di e ‘tab’ di Services, Flag State, Notice to Shipping. Tambe lo por manda un e-mail na expertise@maritimecuracao.org pa risibi un kopia. 

Ku e publikashon di NTS- 11 nos sektor marítimo por kuminsá sali for di ‘lockdown’ i esaki tambe lo por kontribuí na nos ekonomia segun e normal nobo. 

This site uses Akismet to reduce spam. Learn how your comment data is processed.

%d bloggers like this: