Pronóstiko di tempu pa Kòrsou i bisindario bálido te djamars mainta 06:00 o.l., 26 di mei 2020.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 26 di mei 2020.
Kompilá: djaluna 25 di mei 2020, 05:00 o.l. (09:00 UTC).

Tempu: Parsialmente nublá i wer lo keda generalmente seku. Visibilidat ta keda redusí dor di presensia di stòf di Sahara.

Temperatura máksimo lo alkansá 32ºC i temperatura mínimo 26ºC.
Solo ta sali 06:10 i ta baha 18:55 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando fuerte te duru; forsa 6 te 7 (40 te 61 km/ora, 22 te 33 nudo).

Situashon general: Kondishon atmosfériko lo keda limitá desaroyo di nubia signifikante riba nos region durante di próksimo 24 ora. Pa e motibu aki, un wer seku lo sigui prevalesé riba Kòrsou i bisindario. Mas aleu, stòf fini for di Sahara lo redusí e bista durante di próksimo dianan. Bientu lo mantené un forsa de bes en kuando un poko fuerte, debí ku e diferensia di preshon entre osean Atlántiko Nort i Sur Amérika ta basta grandi.

Kondishon di laman: Moderá te lokalmente basta brutu ku altura di olanan entre 1 i 2 meter (3 i 7 pia).

Fenómeno spesial: Ningun.

Perspektiva te djárason mainta: Parsialmente te hopi nublá i no ta antisipá áwaseru signifikante.

Meteorólogo: Rombley.