Wind Creek Carnival Casino  habrí na orario di kustumber

 

WILLEMSTAD/JUN 2020– Wind Creek Carnival Casino Curaçao na Renaissance Curaçao Resort a habri su portanan bèk na e orario ku miembronan a bin ta kustumá kuné. E casino di 11,000 meter kuadrá ofresiendo mas ku 250 slòtmashin di último modelo i 12 mesa, entre nan Blackjack, Roulette, Caribbean Stud Poker i Three Card Poker tambe mester a ahustá pa akomodá tur medida di prevenshon i protokòlnan di higiena den e ‘normal nobo’.  Di akuerdo ku maneho di e casino, a ahustá sin ku a kita di e eksperensia total di e miembro. Wind Creek Carnival Casino Curaçao ta para pa un eksperensia úniko i maske tur medida ta vigente tòg a sá di mantené un eksperensia agradabel. 

 

Gerensia di Wind Creek Carnival Casino Curaçao ta enfatisá ku tur regla di distansia sosial ta keda enforsá den casino. Enkonekshon ku Covid 19 tin algun punto di higiena pa kada kliente/ miembro tene kuenta kuné. Ta pidi tur hende hasi uso di e hand sanitizer na entrada di casino.Tosa i nister den èlebog òf den papel, tira papel mesora afó i laba man después. Ta rekomendabel pa usa masker durante bo bishita serka nos, si no tin, casino lo por proveé un. Mantené 2 meter di distansia sosial for di na entrada di casino i durante bo bishita. Mantené distansia sosial ora ta na mashin tambe; no por hala stul sinta banda di otro ni tampoko para papia riba otro. Tambe, lo no por hasi uso di 2 mashin pareu. Ta pidi tur kliente pa hasi uso di e hand sanitizer na Player Services despues di kada transakshon. 

 

Maske nos ta den e ‘normal nobo’ Wind Creek Carnival Casino Curaçao ta anunsiá mashinnan nobo tambe! E mashinnan progresivo di jackpot ta pèrmití e pòt oumentá ku kada hugada. Pidi bebida direktamente for di e pantaya ‘iVIEW’  ku ta konektá ku e slòt machine. Tambe, a ranka sali ku e promoshon pa Dia di Bandera na unda 10 kliente/ miembro tin chèns di gana nan parti den NAF 2,500 kèsh! Pa mas informashon di esaki por akudí na e Players Services. Wind Creek Carnival Casino Curaçao ta habrí tur dia for di 10’or di mainta te 4’or di mardugá ku posibilidat pa parker outo grátis. Tene e página di facebook di Wind Creek Carnival Casino Curaçao na bista!  *Keep it fun, Play responsibly!