Aksidente di tráfiko ku morto.

KOMUNIKADO DI PRENSA 238 / 2020

18 yüni 2020

Aksidente di tráfiko ku morto.

Djaweps 18 di yüni 2020 alrededor di 07.15’or Sentral di Polis a risibí notifikashon di un aksidente di tráfiko ku a tuma lugá riba Weg naar Hato ku herido.
E unidat polisial ku a yega na e sitio a topa ku un quad ku a dal den un palu di lus i e shofúr heridá drumi den mondi.
For di un investigashon ku polis a hasi a resultá ku shofúr di e quad ku tabata kore riba Weg naar Hato den direkshon di Plenchi Hubert Jubi Kirindongo, a perdé kontrol i bai dal kontra di e palu di lus i a risibí múltiple leshon.
A konsekuensia di e leshonan aki e víktima a fayesé na e sitio.
Dokter di polis a konstatá morto di e hòben maskulino MalyQ Shakyr Iaedan Rabess nasé na Kòrsou, 23 di aprel 2002.
Departamentu di tráfiko ta kontinuá ku e investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: