Detenshon relashoná ku pegamentu di tire na kandela riba kaminda publiko.Entre otro a detené e hòben maskulino D.G.L. nasé na Kòrsou di 16 aña di edat.

 

KOMUNIKADO DI PRENSA 239 / 2020
19 yüni 2020
Detenshon relashoná ku kandela.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djaweps 18 di yüni 2020, den oranan di anochi polis a haña informashon ku na altura
di Parera personanan den un pikòp blanku lo a sende ophetonan na kandela riba
kaminda públiko.
Polis a kuminsá ku búskeda di e pikòp aki den e área i a señalé na altura di Seru di
Domi.
A kuminsá ku un persiguishon tras di e pikòp aki ku dado momentu a para i baha un
persona na Seru di Domi i sigui kore. Mesora polis a detené e hòben maskulino
D.G.L. nasé na Kòrsou di 16 aña di edat i sigui ku e persiguishon ku a terminá na
altura di Plaza Hariri.
Den e pikòp polis a haña un kantidat di tayer i artefaktonan pa sende kandela.
Na e sitio polis a detené e hòmbernan:
 T.R. di 22 aña di edat;
 E.P.L. di 23 aña di edat, ámbos nasé na Kòrsou.
A presentá e trio dilanti un Fiskal Ouksiliar ku despues di interogashon a laga e
hòben D.G.L. den libertad i a ordená enkarselamentu di T.R. i E.P.L. pendiente di mas
investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: