Rudolf Tulio Wever, konosí komo Ruru a risibí kastigu di 30 luna den prizòn pa motibu di a kometé aktonan inmoral ku menornan di edat.

Rudolf Tulio Wever, konosí komo Ruru a risibí kastigu di 30 luna den prizòn pa motibu di a kometé aktonan inmoral ku menornan di edat.

Fiskal a hasi un demanda pa 30 luna. Komo ku e akusado ta enkarselá for di mei 2019, e lo rekobrá su libertat pa otro luna. Esaki teniendo kuenta ku 10 luna kondishonal ku 3 aña di prueba. E lo mester a sinta 20 luna menos un tersera parti pa bon kondukta, pues na tur su kastigu ta mas o menos 14 luna.

E akusado a nenga e aktonan di kual Ministerio Publiko a akus’e di dje. El a duna di konosé ku el a djis dal nan pa mal komportashon durante ku e muchanan tabata keda na su kas pa nan mayornan bai trabou. E muchanan tabata tin menos ku 12 aña e tempu ey. Un di nan tabata tin 8 aña. E aktonan a tuma lugá entre yanüari 2018 pa mei 2019 i a bin sali na kla na momentu ku dosentenan atento a kuminsá nota kambio den komportashon di e muchanan na skol. E dosentenan a papia ku e muchanan i tiki tiki nan a kuminsá risibí informashon di loke tabata pasa ku nan. A konsekuensia di e deklarashonnan, mama di e muchanan a hasi denunsia kontra di e akusado ku ta un famia di nan. Seguidamente e mama tambe tabata papia ku e muchanan na kas i ambos a konta di e mes un suseso. E tio tabata abusá di e mucha muhé di 8 aña. Apesar di loke e muchanan a deklará, nan kambio di komportashon tambe ta karakteristiko pa muchanan abusá. E muchanan aki ta keda traumatisá pa restu di nan bida i esaki ta loke Hues a splika e akusado tambe. Un sikologo a deklará ku e chèns pa e akusado ripití e delito aki ta hopi grandi i teniendo esaki na kuenta, Hues a bai di akuerdo ku demanda di Fiskal pa un kastigu di 30 luna.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: