Kaso di tiramentu ku herido.

KOMUNIKADO DI PRENSA 240 / 2020
20 yüni 2020
Kaso di tiramentu ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 19 di yüni 2020 alrededor di 22.05’or, Sentral di Polis a risibí yamada ku un
hòmber lo a keda alkansá pa bala for di un arma di kandela.
Mesora a dirigí un unidat di Punda pa Amandelweg, unda a bin topa e víktima drumi
abou ku un herida di bala na altura di su pia.
A pidi presensia di ambulans ku a yega na e sitio.
Despues di e dun’e promé asistensia, a transport’é pa sala di emergensia di C.M.C.,
pa e risibí tratamentu médiko avansá.
Personal di reshèrshi ta kontinuá ku e investigashon.