Pronóstiko di tempu pa Kòrsou i bisindario bálido te djamars mainta 06:00 o.l., 23 di yüni 2020.

 

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 23 di yüni 2020.
Kompilá: 
djaluna 22 di yüni 2020, 05:00 o.l. (09:00 UTC).

Tempu: Bientu lo suplá un poko fuerte i visibilidat lo sigui redusí.

Temperatura máksimo lo alkansá 32ºC i temperatura mínimo 27ºC.
Solo ta sali 06:13 i ta baha 19:03 o.l.

Bientu: Generalmente ost i moderá te basta fuerte; forsa 4 te 5 (20 te 39 km/ora, 11 te 21 nudo). De bes en kuando fuerte te posiblemente duru den ráfaga; forsa 6 te 7 (40 te 61 km/ora, 22 te 33 nudo).

Situashon general: Un gradiente di preshon mas grandi, lo sòru pa bientunan periódikamente un poko mas fuerte awe en komparashon for di e dianan tras di lomba. Wer lo varia den kantidat di nubia riba nos isla i un fluho di airu relativamente mas húmedo lo mantené chèns pa algu di awa kai lokalmente durante di e próksimo 24 ora. Di otro banda, santu fini prosedente di Sahara a plama riba área di Karibe i lo sigui tene e bista abou den nos region awe. Ta premirá ku for di den transkurso di djamars esaki gradualmente lo bira ménos.

Kondishon di laman: Moderá ku altura di olanan entre 1 i 1.5 meter (3 i 6 pia). E olanan di mas haltu lo ta riba e zona na nort.

Sistemanan signifikante di wer tropikal: Ningun.

Fenómeno spesial: Un área grandi ku konsentrashon mas denso di santu fini ku ta originá di e desierto di Sahara a alkansá nos área djadumingu mèrdia. E santu fini aki lo sigui tene e visibilidat abou riba i rondó di nos isla entre di 3 i 9 kilometer. Den kaso ku bo ta un pashènt di asma, ta rekomendá pa keda mas tantu posibel paden durante di awe djaluna. Tambe ta konsehá usuario di boto chikí pa uza koutela i no bai muchu leu for di kosta ku e visibilidat limitá aki.

Perspektiva te djarason mainta: Parsialmente nublá ku posibilidat pa algu di áwaseru den oranan di mainta.

Meteorólogo: Correa.

 

Day: Djaluna Djamars Djárason Djaweps Djabièrnè

bastante bientu

áwaseru aislá

áwaseru aislá

tiki nubia

parsialmente nublá
Rain probability: 0% 20% 20% 0% 0%
High: 32ºC / 90ºF 32ºC / 90ºF 32ºC / 90ºF 33ºC / 91ºF 33ºC / 91ºF
Low: 27ºC / 81ºF 27ºC / 81ºF 26ºC / 79ºF 27ºC / 81ºF 27ºC / 81ºF
Sunrise time: 06:13 06:13 06:13 06:13 06:14
Sunset time: 19:03 19:03 19:03 19:04 19:04
Wave heigth (meters): 1.5 – 2.0 1.5 – 2.0 1.5 – 2.0 1 – 1.5 1.5 – 2.0

This site uses Akismet to reduce spam. Learn how your comment data is processed.

error: Content is protected !!
%d bloggers like this: