Site icon KIKO TA PASANDO NOTISIA I INFORMASHON

LIGA MCB TA KONTINUÁ DJARASON, DJAWEPS I DADUMINGU PRÓKSIMO!

Advertisements

 

LIGA MCB TA KONTINUÁ DJARASON, DJAWEPS I DADUMINGU PRÓKSIMO!

 

 

Ayera, 22 di yüni a tuma lugá e reunion general èkstra-ordinario, yamá pa algun klup ku e punto di agènda; kanselashon di tur kampionato di FFK. Despues ku a trata e punto aki a bai na e parti di votashon ku a sali ku 12 voto pro i 18 kontra. Ku otro palabra Liga MCB Promé i Segundo Divishon ta kontinuá riba dianan djarason, djaweps i djadumingu próksimo.

Tur partido lo ta sin públiko konforme reglanan di Gobièrnu en konekshon ku Covid-19.

Por sigui tur partido via Facebook riba e página di Vigilante, Sport.cw, Morgan Online, Federashon Futbòl Kòrsou òf via YouTube riba Bo wowo di Deporte. Tambe por sigui e partidonan via radio Z-86.

E ‘streaming’ di Liga MCB ta un parti promoshonal ku FFK huntu ku algun medio di komunikashon a introdusí pa trese futbòl te den bo kas mirando ku ainda no por asistí na weganan. Esaki, ku e mira pa tiki tiki nos bai mas ku teknologia i yuda engrandesé futbòl den tur aspekto.

 

Skema Liga MCB Promé Divishon:

 

Fecha orario Ekipo di kas Bishitante Stadion
24-06-20 19.30 Centro Dominguito vs Victory Boys S.E.H.
19.30 UNDEBA vs SUBT S.A.M.
25-06-20 19.30 Jong Holland vs Hubentud Fortuna S.E.H.
19.30 Willemstad vs Scherpenheuvel F.F.K.

 

 

Skema Liga MCB Segundo Divishon:

 

Fechanan Orario Ekipo di kas Ekipo bihitante Stadion
28-06-20 16.30 Dep. Sta. Rosa vs Atomic S.E.H.
  16.30 Willemstad vs New Song S.A.M.
  16.30 Jong Colombia vs Sithoc Sithoc
  16.30 C.H. Mahuma vs Inter Vesta
  16.30 U.D. Tera Kora vs Indekor F.F.K.

 

 

Liga MCB ta kontinuá despues di un pousa basta largu i awor por sigui tur partido via radio òf bo medio-visual preferí.

Liga MCB te den bo kas!

 

23 yüni 2020

 

Exit mobile version