LON MUTUEEL LO KEDA 8 DIA MAS DETENE

LON MUTUEEL LO KEDA 8 DIA MAS DETENE, awe e kaso di Lon Mutueel a bai dilanti pa juez disidi ku su detenshon ta hustifika. E kaso a bai via video conference. Juez ta haña ku Lon Mutueel ta responsabel aunke e no a sende kandel ni boltu outo ni tira pierda of boter. Pero e ta responsabel pa organisa e manifestashon i ora bo organisa e tipo di manifestashonnan aki bo por premira ku kos lo sali foi man. Tambe nan ta akusa ku Lon Mutueel ta un di e personanan ku a kibra porta di forti. Aunke no tin un video ku ta mustra e momentu eksakto ku esaki a tuma luga pa bo por mira presisamente ku e ta su man pone riba e porta te pa kibra esaki. Segun e abogado di Lon Mutueel ku aki 8 dia mester mira si juez lo keda ku mesun pensamentu. Tambe e abogado ta di opinion ku juez no por bisa ku e detenido Lon Mutueel por tabata sa ku ora e organisa un manifestashon pasivo ku despues resulta un manifestashon ku violensia.

This site uses Akismet to reduce spam. Learn how your comment data is processed.

error: Content is protected !!
%d bloggers like this: