EKS REI DI TUMBA RICHENEL “MR. BABALU” KIRIDONGO A BAI LAGA NOS

EKS REI DI TUMBA RICHENEL “MR. BABALU” KIRIDONGO A BAI LAGA NOS

 

WILLEMSTAD/ REPUBLIKA DOMINIKANA — Djasabra último a drenta un notisia tristu serka nos, ku  Mr. Babalu ya nos ta huntu ku nos mas, debí ku ela fayesé a konsekuensia di  un malesa ku e tabata sufri di dje. Hustamente su djadumingu promé, esta dia 21 di yüni 2020, Mr. Babalu a keda entrevistá pa Gibi Doran den un programa na Radio MAS ku tabata dediká na e agrupashon musikal BESS. Pa hopi di esnan ku a sigui e programa, e notisia aki a shòk nan.

Mr. Babalu na aña 1987 a bisa Rei di Tumba ku e komposishon “Kòrsou” ku ta un komposishon di Nelson Schoop i kompañá musikalmente pa Sonido Inmenso ( SI), den Stadion  Antoin Maduro.

E temporada ku Mr. Babalu a fungi komo músiko aki na Kòrsou, e tabata aktivo den entre Combo Sensacion, Super Dynamic i e tremendo agrupashon musikal BESS ( Babalu Eddy Mar Salsa y Sabor)

Mr. Babalu tabata un músiko ku tabata kapta hopi atenshon na momentu ku e presentá, kantando i na e mesun momentu tokando timbal i e parti di show ku e tabata dunando na e momentunan ei.

Durante último añanan, Mr. Babalu a biba primeramente na Ulanda i despues ela  bai establesé su mes na Repúblika Dominikana, kaminda ela fayesé na edat di 62 aña.

Di parti di famianan, konosínan i AMAK, ta tratando di wak si ta posibel pa e restunan por keda transportá pa Kòrsou, pa e entiero por tuma lugá aki, den e pais ku ela  nanse.

Mr. Babalu ta laga atras un gran kantidat di hit ku ela  interpretá, na un nivel musikal hopi haltu i ku ta hopi gustá bou di su fanatikonan.

Direktiva di AMAK ta ekstendé su palabranan di kondolensia na su famia i na mundu farandulero i ku su alma sosegá na pas.

 

Direktiva di AMAK

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: