PLAN NACIONAL PA ATENDE CU E PROBLEMATICA DI CACHO NA ARUBA LEY DI PUSHI?

 

PLAN NACIONAL PA ATENDE CU E PROBLEMATICA DI CACHO NA ARUBA 

(Parti 6, parti final)

 

LEY DI PUSHI?

 

Analisando e problematica di cacho actual, e comision di accion no por cera wowo pa e problematica cu Aruba ta enfrentando tambe cu tanto pushi sin doño, y e peliger cu nan ta forma pa nos fauna. 

 

Pushi ta un especie cu ta busca cuminda den anochi y ta animalnan suficiente chikito, manera algun di nos parhanan, of koneunan chikito ta victima di esey. Pues, no ta e boa constrictor so ta e problema, sino e pushi di mondi tambe. 

 

Pushinan indesea tambe ta wordo treci na e ‘kill cage’ door di nan doño, of nan ta wordo benta den mondi. Tambe tin algun adres caminda demasiado pushi ta biba of frecuenta. 

 

Enberdad no tin ley pa atende cu pushi ainda, pero e comision di accion a trece algun idea padilanti y ta papiando cu diferente departamento di gobierno con pa huntu cu stakeholders y NGO’s un biaha mas, mescos cu awo cu e Plan Nacional aki, por yega na un solucion duradero tambe pa cu e problematica di pushi.

 

Pa awo ta a traves di campaña di promocion di stima mi mascota of conscientisacion con pa ta un doño responsabel, lo stimula e parti di Aruba su poblacion cu tin di haber cu pushi, pa haya sa e minimo con pa contribui pa nos tin menos pushi eifo.

 

Manera a wordo ilustra den e otro partinan di informacion tocante e Plan Nacional, e plan ta parti den fase di accion inmediato y tambe accionan a corto y largo plaso. Awo nos tin solamente e ley di cacho. E idea ta pa den futuro bini cu un ley cu ta na bienestar di tur animal.

This site uses Akismet to reduce spam. Learn how your comment data is processed.

error: Content is protected !!
%d bloggers like this: