Mas detenshon (2) den kuadro di disturbio di 24 di yüni último.

KOMUNIKADO DI PRENSA 252 / 2020
30 yüni 2020
Mas detenshon (2) den kuadro di disturbio di 24 di yüni último.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Kontinuando ku e investigashonnan relashoná ku e disturbionan ku tabatin dia 24 di yüni
último, djamars 30 di yüni 2020 den oranan di mèrdia alrededor di 13.52’or, e tim enkargá
ku investigashon a detené e hòmber sospechoso D.G.D. di 40 aña di edat nase na Kòrsou.
Su detenshon a tuma lugá na altura di Williwood en konekshon ku violensia den públiko,
destrukshon, instigashon, sendementu di kandela i kómplise na esaki.
Mas lat e tim a detené e hòmber sospechoso E.J.H. di 40 aña di edat nase na Kòrsou pa e
mesun echonan kastigabel.
Su detenshon a tuma lugá na warda di reshèrshi.
Despues di a presentá ámbos sospechoso dilanti di un fiskal ouksiliar, a ordená nan
enkarselamentu pendiente di mas investigashon.