Detenshon pa violashon di lei di arma di kandela.

KOMUNIKADO DI PRENSA 256 / 2020

2 yüli 2020

Detenshon pa violashon di lei di arma di kandela.

Den oranan di mardugá di djaweps 2 di yüli 2020, un unidat di polis den Saliña a tuma nota di okupantenan den un vehíkulo ku tabata aktua di forma sospechoso.
Mesora a duna e shofùr òrdu pa para, pero e hòmber a ninga esaki i sigui kore.
A kuminsá un persekushon kòrtiku i riba Schottegatweg-Oost, polis a logra para e vehíkulo aki.
A kontrolá e tres okupantenan i e vehíkulo. Den e outo a bin topa ku un arma di kandela. Seguidamente alrededor di 03.50’or a detené e hòmbernan sospechoso J.G.C.P. di 20 aña di edat, R.R.M. di 42 aña di edat i S.S.M. di 41 aña di edat, tur tres nase na Kòrsou, pa violashon di lei di arma di kandela.
Miéntras ku a konfiská e vehíkulo i e arma di kandela pa mas investigashon.
A presentá e trio dilanti di un fiskal ouksiliar ku a ordená su enkarselamentu, pendiente di mas investigashon.

This site uses Akismet to reduce spam. Learn how your comment data is processed.

error: Content is protected !!
%d bloggers like this: