REFINERIA DI KORSOU I CARMABI TA EKPLORA POSIBILIDAT PA DESAROYA AREA DI NATURALESA NA RIF SINT MARIE DEN UN PARKE DI NATURALESA.

REFINERIA DI KORSOU I CARMABI TA EKPLORA POSIBILIDAT PA DESAROYA AREA DI NATURALESA NA RIF SINT MARIE DEN UN PARKE DI NATURALESA.

Willemstad- 7 di yuli 2020- Refineria di Kòrsou (RdK) i Caribbean Research and Management of Biodiversity (CARMABI) ta eksporando e posibilidat pa deseroyá e area di 159.36 hèktar di naturalesa na Rif Sint Marie den un parke di naturalesa pa rekreo.  E tereno na Rif Sint Marie ta parti di e herensha ku RdK tin pa manehá na nòmber di Gobièrnu.  RdK te ku awor no a ekplorá e posiblidat pa desaroyá e potenshal di e area aki na un manera ku ta konservá e naturalesa úniko di e area aki.  

Proksimamente huntu ku CARMABI lo bai hasi estudio, siguí pa e trabounan nesesario pa por desaroyá, na un forma responsabel, e area aki den un parke di rekreo den naturalesa.  Aki  tantu nos mes komo nos bishitantenan lo por rekreá i disfruta di nos naturalesa.

Resientmente Gerente di RdK i CARMABI a hasi un bishita di inspekshon den e area komo parti di e esfuersonan pa yega na un akuerdo di maneho di desaroyo i preservashon entre RdK i CARMABI. Ta hasi esfuerso pa Parke di Naturalesa Rif Sint Marie bira un produkto turístiko úniko pa futuro. E desaroyo aki ta pas den e esfuerso di RdK pa maksimalisá e potenshal di e propiedatnan ku ta pertensé na RdK di tal forma ku Kòrsou ta benefisiá mas di nan, mientras RdK ta diversifiká su fuentenan di entrada. 

 

This site uses Akismet to reduce spam. Learn how your comment data is processed.

%d bloggers like this: