Kaso di atrako ku detenshon.

July 10, 2020 REDAKSHON

KOMUNIKADO DI PRENSA 261 / 2020
10 yüli 2020
Kaso di atrako ku detenshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 9 di yüli 2020, alrededor di 15.30’or, Sentral di Polis a risibí informashon di
un kaso di atrako ku a tuma lugá na un toko riba F.D. Rooseveltweg.
Na momentu ku e unidat polisial a yega na e sitio nan a kuminsá ku un investigashon
preliminar i a resultá ku tres hòmber kara tapá, di kua un di nan ku arma di kandela,
a drenta den e toko.
Bou di menasa a kue plaka kèsh i artikulonan for di e establesimentu pa despues bai
for di e sitio den un vehíkulo koló lila.
Polis a kuminsá ku búskeda den e área i riba Welatinaweg a señalá e vehíkulo lila
stashoná dilanti un tereno kaminda tin un kas no habitá. Na yegada di un patruya
polisial na e kas tres hòmber deskonosí a kuminsa kore. Polis a logra para un di e
hòmbernan aki i a haña den e kas no habitá diferente artikulo prosedente di e atrako
ariba menshoná
A detené e hòmber R.R.D.R. nasé na Kòrsou di 23 aña di edat, relashoná ku e atrako
na e toko riba F.D. Rooseveltweg.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.