Dos detenshon pa violensia relashonal i destrukshon.

KOMUNIKADO DI PRENSA 268 / 2020
17 yüli 2020
Dos detenshon pa violensia relashonal i destrukshon.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 17 di yüli 2020 alrededor di 00.31 or, polis a bai na un adrès na Nieuw
Nederland pa un kaso di violensia relashonal.
For di un investigashon na e adrès menshoná, a sali na kla ku un pareha tabatin
diskushon ku otro. E dama a destruí e bentana parti patras di e outo di e hòmber.
Pa e motibu aki a surgí un bringamentu entre nan dos i e dama a keda maltratá.
Na e adrès en kestion, polis a detené ámbos sospechoso e hòmber R.G.O. di 47 aña
di edat nasé na Repúblika Dominikana, pa maltrato i e dama S.D.M.M. di 44 aña di
edat nasé na Venezuela, pa destrukshon.
A presentá ámbos sospechoso dilanti di un fiskal ouksiliar ku a ordená nan
enkarselamentu pendiente di mas investigashon.