Helikòpter ta kai na Aruba

Helikòpter ta kai na Aruba, 2 persona ta fayesé 
Un helikòpter militar ku 4 persona a bordo tabata den akshon na momentu ku alrededor di 3or di djadumingu atardi el a kai den laman diripente. Tur 4 persona ku tabata a bordo di e helikòpter a keda saká for di awa i transportá riba un barku militar. A resultá ku 2 di e personanan ku tabata a bordo di e helikòpter a fayesé, mientras situashon di e otro 2 personanan tabata stabil. A tuma e desishon pa transportá e personanan ku tabata a bordo di e helikòpter pa Kòrsou. Kustwacht no a suministrá informashon.