Dos detenshon pa atrako.

KOMUNIKADO DI PRENSA 277 / 2020
22 yüli 2020
Dos detenshon pa atrako.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 21 di yüli alrededor di 11.20’or, Sentral di Polis a risibí yamada di un siudadano ku a indiká
ku e tabata siguiendo un vehíkulo, di kua e dos okupantenan un ratu promé a tira atrako riba un
dama den Petroleumweg i bai ku su tas.
Sentral di Polis mesora a dirigí diferente unidat den besindario di Bivak, ounke un ratu despues e
siudadano a pèrdè e outo for di bista.
Kontinuando ku e búskeda, polis a bin señalá e outo aki un ratu despues, alrededor di 11.30’or riba
Schottegatweg-West i a para esaki.
A detené e dos hòmbernan sospechoso S.S.H. di 18 aña di edat nase na Colombia i M.L. di 20 aña
di edat nase na Hulanda, pa e kaso di atrako ariba menshoná.
A presentá ámbos sospechoso dilanti di un fiskal ouksiliar ku a ordená nan enkarselamentu,
pendiente di mas investigashon.