Demasiado vehíkulo ta kore sin seguro

 

KOMUNIKADO DI PRENSA
280 / 2020
22 yüli 2020
Demasiado vehíkulo ta kore sin seguro
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Mas i mas polis ta tumando nota ku tin demasiado vehíkulo ku ta hasi uso di nos
kamindanan públiko, sin ku e vehíkulonan aki ta dispone di un seguro bálido.
Na hopi okashon, ta konstatá esaki durante di kontrolnan di tráfiko, pero tambe durante di
aksidentenan di tráfiko.
E konsekuensia di kore sin seguro bálido ta oumentando tambe e kantidat di kasonan di ‘hit
and run’, pa motibu ku shofùrnan ku okashoná un aksidente, sabiendo ku nan vehíkulo no
tin seguro, hopi bia ta bai for di e sitio sin laga nan datonan atras.
Esaki ku e propósito, pa nan no mester para responsabel pa e daño ku nan a okashoná na
propiedat di otro.
Departamento di Tráfiko ta man yen ku kasonan ku tur dia nan mester atendé, pa por yuda
buska personanan ku a okashoná dalmentu i kore bai pasobra nan no tin seguro.
Polis ke hasi un apelashon atrobe na tur outomobilista, pa no sali riba kaminda públiko si
dokumentunan di bo vehíkulo no ta na òrdu.
Bo ta kore rísiko di pèrdè bo vehíkulo i por okashoná daño na tersera ku kisas bo mes no
por kubri, perhudikando otro siudadano.
Tene kuenta ku okashoná un aksidente i kore bai ta un krímen segun nos leinan di tráfiko.

This site uses Akismet to reduce spam. Learn how your comment data is processed.

error: Content is protected !!
%d bloggers like this: