Entrante ougùstùs ‘Ban Traha’ ta ofresé oportunidat pa sigui un kurso pa empleado logístiko / Ban Traha biedt per augustus de mogelijkheid voor het volgen van een cursus tot logistiek medewerker

 

Entrante ougùstùs ‘Ban Traha’ ta ofresé oportunidat pa sigui un kurso pa empleado logístiko

 

Kralendijk – Unidat di Labor di direktorado di Komunidat i Kuido den koperashon ku Plenchi di Trabou ta krea posibilidat pa sigui un kurso práktiko pa empleado logístiko. E kurso ta kuminsá entrante luna di ougùstùs i tin lugá pa 10 persona. Ainda ta posibel pa registrá pa partisipashon na e kurso.

 

Meta di e kurso ta pa fortifiká posishon di partisipantenan riba merkado laboral. A hasi e eskoho pa ofresé un kurso pa empleado logístiko, mirando e merkado logístiko ku ta kresiendo na Boneiru i e eskases di personal logístiko. 

Den e kurso práktiko aki e partisipantenan entre otro ta siña manehá un fòrkleft/lòli, anda ku stòk den un depósito/magazein, e proseso di ‘orderpicking – preparashon di pedido’ i e proseso di transporte. E parti di formashon pa loke ta trata e proyekto aki ta na enkargo di Onderwijs Instituut Caribisch Nederland (OICN) i Bonaire Sweeping & Recycling B.V. (BS&R).

 

E kurso aki ta enfoká riba personanan ku:

– Kisas tin un tempu kaba ta trahando den logístika, pero no ta sertifiká ainda pa esaki. 

– Personanan ku ke bai traha den logístika, pero ainda no tin e eksperensia òf konosementu nesesario.

 

Ta hasi e prosedura di selekshon pa partisipashon na e kurso a base di personanan ku ta inskribí na Unidat di Labor komo hende ku ta buska trabou. Na e momentunan aki ainda tin algun lugá disponibel. Si bo ta interesá pa partisipá na e kurso bo por yama òf ‘app’ +599 777 2246. Si komo doño di trabou bo ta interesá den un di e kandidatonan ku a haña e formashon aki, tambe pa medio di e number aki bo por tuma kontakto ku Unidat di Labor pa mas informashon.

 

Riba potrèt:

Junny Vos: Onderwijs Instituut Caribisch Nederland

Mia Tweed: Kordinadó di proyekto pa merkado laboral

Rafmildo Damascus: Bonaire Sweeping & Recycling B.V.

 

 

 

Ban Traha biedt per augustus de mogelijkheid voor het volgen van een cursus tot logistiek medewerker

Kralendijk – De unit Arbeid van de directie Samenleving & Zorg creëert in samenwerking met Plenchi di Trabou de mogelijkheid om een praktische cursus te volgen tot logistiek medewerker. De cursus begint per augustus en telt plek voor 10 personen. Het is nog mogelijk aan te melden voor deelname. 

 

Het doel van de cursus is om de positie van de deelnemers op de arbeidsmarkt te versterken. De keuze  voor het aanbieden van een cursus tot logistiek medewerker is gemaakt gezien de groeiende logistieke markt op Bonaire en het tekort aan logistiek personeel. 

In deze praktische cursus leren de deelnemers o.a. een forklift/heftruck te bedienen, het omgaan met het voorraad in een magazijn, het proces van ‘orderpicking’ en het transportproces. De opleiders voor dit project zijn Onderwijs Instituut Caribisch Nederland (OICN) en Bonaire Sweeping & Recycling B.V. (BS&R).

 

Deze cursus is gericht op personen die:

– Wellicht al langer werkzaam zijn in de logistiek, maar nog niet hiervoor gecertificeerd zijn.

– Personen die in de logistiek willen werken, maar nog geen ervaring of kennis hebben.  

 

De selectieprocedure voor deelname aan de cursus wordt gedaan op basis van de personen die bij unit Arbeid ingeschreven staan als werkzoekenden. Op dit moment zijn nog enkele plekken beschikbaar. Bij interesse om deel te nemen aan de cursus kan je bellen of appen naar +599 777 2246. Indien je als werkgever geïnteresseerd bent in een van de opgeleide kandidaten kan je ook via dit nummer contact opnemen met de unit Arbeid voor meer informatie.

 

Op de foto:

Junny Vos: Onderwijs Instituut Carbisch Nederland 

Mia Tweed: Coördinator arbeidsmarkt projecten

Rafmildo Damascus: Bonaire Sweeping & Recycling B.V.