Pronóstiko di tempu pa Kòrsou i bisindario bálido te djamars mainta 06:00 o.l., 28 di yüli 2020.

 

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 28 di yüli 2020.
Kompilá: 
djaluna 27 di yüli 2020, 05:00 o.l. (09:00 UTC).

KÓDIGO HEL: PREKOUSHON PA LAMAN BRUTU

Tempu: Shelu lo varia entre levemente i parsialmente nublá i despues di e áwaseru ku kai lokalmente den oranan di mardugá i mainta, wer lo sigui generalmente seku.

Temperatura máksimo lo alkansá 33ºC i temperatura mínimo 26ºC.
Solo ta sali 06:22 i ta baha 19:03 o.l.

Bientu: Generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general: Awe djaluna ta premirá un wer relativamente trankil kompará for di e fin di siman tras di lomba. Durante di djamars kondishon atmosfériko lo bira faborabel un bes mas pa formashon di nubianan signifikante ku lo subi e chèns pa áwaseru. Sigun ku e sistema tropikal riba Atlántiko ta aserkando e área di Karibe, lo okashoná ku e régimen di bientu lo bira mas suak durante djárason i prinsipalmente djaweps.

Kondishon di laman: Moderá te basta brutu ku altura di olanan entre di 1 i 2 meter (3 pa 6 pia). Temporalmente un poko brutu na kosta nort i ost dor di resake ku olanan te 2.5 meter (8 pia). Pa e motibu aki un mensahe di prekoushon (kódigo hel) pa laman brutu ta ketu bai na vigor pa áreanan di kosta nort i ost di Kòrsou.

Sistemanan signifikante di wer tropikal: Tormenta tropikal Hanna a sigui debilitá i na e momentunan aki ta kategorisá komo un depreshon tropikal. Esaki ta situá riba México i lo sigui move poko poko den un direkshon sùitwèst. Mas aleu, tin un disturbio riba Atlántiko Tropikal ku ta mustra un potensial haltu pa sigui desaroyá den un siklon. E sistema aki ta move den un direkshon wèst i ta antisipá ku e sistema aki lo alkansá área Karibense na medio di e siman benidero. Ningun di e sistemanan tropikal aki no ta un menasa pa Kòrsou aktualmente.

Fenómeno spesial: Ningun.

Perspektiva te djárason mainta: Parsialmente nublá i un bon chèns pa awa kai durante di dia.

Meteorólogo: Correa.

 

Day: Djaluna Djamars Djárason Djaweps Djabièrnè

áwaseru aislá

parsialmente nublá

vários áwaseru

posibilidat di áwaseru i welek ku bos

parsialmente nublá
Rain probability: 20% 0% 40% 40% 0%
High: 33ºC / 91ºF 32ºC / 90ºF 31ºC / 88ºF 31ºC / 88ºF 32ºC / 90ºF
Low: 26ºC / 79ºF 27ºC / 81ºF 25ºC / 77ºF 26ºC / 79ºF 27ºC / 81ºF
Sunrise time: 06:22 06:22 06:22 06:22 06:22
Sunset time: 19:03 19:02 19:02 19:02 19:02
Wave heigth (meters): 1.5 – 2.0 1 – 1.5 1.5 – 2.0 1 – 1.5 1 – 1.5

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: