Rekonosementu pa studiantenan ku a destaká den aña eskolar 2019 / 2020

Rekonosementu pa studiantenan ku a destaká den aña eskolar 2019 / 2020

Geplaatst op 28 July 2020 dor di Ministerio Enseñansa, Siensia, Kultura & Deporte

Un total di 77 alumno di tur e 8 direktivanan di skol a keda honrá.
WILLEMSTAD – Ministerio di Enseñansa, Siensia, Kultura i Deporte (ESKD) na nòmber di Gobièrnu di Kòrsou, resien a duna rekonosementu na tur studiante ku a destaká den aña eskolar 2019 / 2020. Tur alumno ku a sobresalí den e kategoria di Skol Sekundario (AGO / VSBO / HAVO / VWO / SBO) a keda invitá pa Ministerio di ESKD pa bin na e Ministerio i asina haña rekonosementu serka Minister di ESKD, sr. Eugene Rhuggenaath i e tim di maneho.

Durante di un seremonia chikitu a ‘pin’ e hóbennan i a otorgá un sertifikado, pa felisitá nan ku e esfuerso ku a hasi – sigur durante di e periodo inesperá di COVID-19 – pa logra ta e mihó studiante di nan skol. Minister di ESKD sr. Eugene Rhuggenaath a deseá e alumnonan pabien ku nan logro i a enfatisá ku awor e siguiente fase ta bai kuminsá, kaminda ta esensial pa nan sigui enfoká riba nan metanan. Tambe pa asta ora tin kontratiempu nan sigui pusha pa logra esaki, siendo semper nan mes i ku konfiansa den nan propio potensial. Alabes minister a sa di motivá e hóbennan pa sigui ku nan estudio sea lokal òf internashonal. Un pabien tambe a bai na tur direktiva di skol, mayor i dosente ku nan aporte balioso den guia i stimulá e studiantenan riba kaminda.

Gobièrnu di Kòrsou por mira bèk riba un aña eskolar 2019 / 2020 éksitoso kaminda apesar di tur e retonan pa e aña eskolar, den estrecho koperashon ku tur e direktivanan di skol, a sa di sostene hóbennan pa nan logra nan metanan .


** riba e fotonan athunto por tuma nota di e momentu kaminda Minister di ESKD sr. Eugene Rhuggenaath ta duna rekonosementu na e alumnonan ku a destaká i sobresalí.

Pa mas potrèt klik aki: Potrètnan di studiante nan ku a destaká

This site uses Akismet to reduce spam. Learn how your comment data is processed.

error: Content is protected !!
%d bloggers like this: