Komishon ta entregá konseho pa maneho di hende grandi
Komishon ta entregá konseho pa maneho di hende grandi
Geplaatst op 30 July 2020 dor di Ministerio Desaroyo Sosial, Labor i Bienestar
Willemstad – E komishon pa formulá un maneho resistente pa futuro pa hende grandi a entregá su konseho final djárason 29 di yüli 2020 na minister Hensley Koeiman di Desaroyo Sosial, Labor i Bienestar. E komishon ta konsistí di representantenan di Konseho di Hende Grandi, e organisashon di hende grandi Kopamko, Organisashon di Maneho i Sektor di Desaroyo Sosial di Ministerio di Desaroyo Sosial, Labor i Bienestar.
E konseho final ta enserá entre otro seguridat, salubridat, partisipashon i vivienda. Ta konsehá entre otro pa instituí un sentro di konosementu pa akumulá data, loke lo kondusí na un maneho mas dirihí riba hende grandi. Tambe ta konsehá pa bin ku un sentro di vivienda pa hende grandi (Seniorendorp), fleksibilisashon di fasilidatnan pa hende grandi, reforsamentu di forsa di kompra etsetera. Gobièrnu mester ta katalisador den esaki. E rapòrt di e komishon lo ta optenibel riba wèpsait di gobièrnu. Pa mas informashon por tuma kontakto ku direktor Viktor Monk di Sektor Desaroyo Sosial di Ministerio di Desaroyo Sosial, Labor i Bienestar.