Minister Steven Martina huntu ku CPA Ayera a duna rekonosementu na señor Thomas Lindeborg komo protektor di haf.

Minister Steven Martina huntu ku CPA Ayera a duna rekonosementu na señor Thomas Lindeborg komo protektor di haf.

Dia 4 mei último a konmemorá viktimanan k’a perde nan bida durante Segundo Guera Mundial i dia 5 mei último a selebrá 75 aña di fin di Segundo Guera Mundial.
Fundashon Ban Huntu ku ta di militarnan i èks militarnan yu’i Kòrsou i Fundashon Manuel Carel Piar ku ta para pa iluminá nos héroenan a hasi un petishon ofisial pa nombra sr. Thomas Aniceto Lindeborg (97 aña) komo Protektor di nos Haf aki na Kòrsou.
Komo minister di desaroyo ekonómiko huntu ku CPA, ayera a honra e petishon noble aki.
Nos Haf tabatin un ròl hopi importante durante Segundo Guera Mundial. Kòrsou tabata suministrá kombustibel pa avion i otro vehíkulonan di guera di e aliádonan.
Pa evitá esaki supmarinonan tabata buska moda di torpediá e barku ku krudo ku ta drenta nos Haf. Promé ku Segundo Guera Mundial, sr. Thomas Lindeborg a drenta Servisio Militar! Na momentu ku Reino a haña su mes den guera ela bira ‘cannonier’ den ‘schutterij’ na Waterfort, kaminda ela para tras di su kayón hinter temporada di Segundo Guera Mundial pa protegá nos Haf.
Sr. Lindeborg a nase na Flip (Bandabou), ela biba un tempu na Mariepampoen i despues a bin biba Suffisant na aña 1962 te ku awor.
E plan ta pa duna Sr. Lindeborg mas rekonosementu ku ya ela haña kaba, pero e biaha aki….. unu militar tambe! Esaki lo sosodé mas despues, pues keda pendiente!

Sr. Thomas Lindeborg, Kòrsou ta hopi orguyoso dibo, b’a demostrá amor i balentía pa protegá bo País! Bo ta inspirá nos pa sigui bo ehèmpel kon ser un bon yu’i Kòrsou!

Un pabien ta bai na Sr. Thomas Lindeborg i henter famia Lindeborg.

This site uses Akismet to reduce spam. Learn how your comment data is processed.

error: Content is protected !!
%d bloggers like this: