Relato di konferensia di prensa 3 di ougùstùs 2020 pa ku e ‘Luna di Buzon 2020’ di Fundashon Pro Bista, titulá “Den un Normal Nobo, Tuma i Duna den Bèrdat i Amor”.

Relato di konferensia di prensa 3 di ougùstùs 2020 pa ku e ‘Luna di Buzon 2020’ di Fundashon Pro Bista, titulá “Den un Normal Nobo, Tuma i Duna den Bèrdat i Amor”.

Anualmente Fundashon Pro Bista ta selebrá luna di buzon den ougùstùs i manera ya ta kustumber Fundashon Pro Bista ta selebrá esaki huntu ku henter e pueblo di Kòrsou ku nan lema pa 3 aña kaba, ‘Biba den Bèrdat i Amor’. 

E aña aki Fundashon Pro Bista ta selebrá un luna di buzon adaptá i ahustá na e “normal nobo”, sinembargo nan aktividatnan tey manera kustumber. Nan a duna inisio na nan luna di buzon djaluna 3 di ougùstùs ku un Santu Sakrifisio di misa pa gradisié i pidi e Ser supremo pa kompaña nan durante e temporada aki. 

Otro aktividatnan ku ta bai tuma lugá durante nan luna di buzon ta:

 

  •  Sine Pro Bista, kual ta tuma lugá djaweps dia 6 di ougùstùs 2020, 
  • 1st Experience in the Dark, kual ta tuma lugá djaweps dia 27 di ougùstùs 2020
  • 2nd Experience in the Dark, kual ta tuma lugá djabièrnè 28 di ougùstùs 2020
  • Dominó Knock-out kual ta tuma lugá djadumingu 30 di ougùstùs 2020
  • i nan After Party kual ta tuma lugá djabièrnè dia 4 di sèptèmber
  • Pa klousura e luna di buzon, ta bai tin un Santu Sakrifisio di misa djaluna riba e fecha 7 di sèptèmber 2020.

 

 

E kampaña pa luna di buzon 2020 di Fundashon Pro Bista ta titulá: ‘Den un Normal Nobo, Duna i tuma den Bèrdat i Amor’.

Fundashon Pro Bista ke duna bèk na e komunidat ku semper a sa di sostené nan fundashon. E kampaña aki ta enserá ku e aña aki den e temporada difísil di COVID-19, Fundashon Pro Bista ta bai pone algun regalito na disposishon di pueblo na momento ku aportá na nan luna di buzon ku por lo ménos 5 florin. E promé siman di luna di ougùstùs aki un tim di Fundashon Pro Bista lo repartí nan regalonan na diferente establesimentunan, e.o.  supermerkado, hardware i restorantnan ku ta pone nan empleadonan/kaheronan disponibel pa kolaborá ku e kampaña aki di Fundashon Pro BistaDen un Normal Nobo, Tuma i Duna den Bèrdat i Amor” 

 

Manera ya ta konosí, e pandemia di COVID-19 a afektá mundu kompleto i tambe e luna di buzon di Fundashon Pro Bista. Den e “normal nobo” e aña aki no ta posibel pa para hasi kolekta personalmente pafó di ningun establesimentu, ni krusadanan i tampoko na nos misa nan manera tur aña tabata e kustumber, pues e aña aki e fundashon tin un reto nobo i ta pidi komunidat pa pone èkstra atenshon pa mira unda e buzon nan di Pro Bista ta situá pa asina por deponé bo donashon.

Ya komo kosnan ta modernisando, tin algun manera elektróniko tambe den kual por hasi donashon den nan luna di buzon. Esperamos Supermarket por ehèmpel, ta duna e posibilidat pa siudadanonan por hasi un donashon na Fundashon Pro Bista hasiendo uso di nan sistema di QR-code ku ta un sistema ku bo por scan i hasi bo donashon na momento ku bo ta na kasa. Otro método elektróniko pa hasi bo donashon na Fundashon Pro Bista ta via ‘online banking’. Pa hasi esaki na por ehèmpel MCB bo no tin mester di un number di kuenta ya komo Fundashon Pro Bista ta den nan ‘vendors list’ kaba. Nos ke enkurashá un i tur ku kisas no por yega na un di nos buzon nan, pa bai un di e siguiente bankonan pa hasi nan donashon riba e siguiente numbernan di kuentanan: Banco di Caribe 0167-12301, MCB 147-089-02 

Pa finalista nos ke hasi un invitashon pa sigui nos riba nos ret nan sosial, prinsipalmente nos página di Facebook www.probista.com pa asina keda informá di kada desaroyo durante e luna di buzon. Pa mas informashon, por tuma kontakto ku Fundashon Pro Bista via e ‘email’  info@probista.com  i  tambe via telefòn na 7379222.

 

Masha danki di antemano di parti di henter e famia di Fundashon Pro Bista.

This site uses Akismet to reduce spam. Learn how your comment data is processed.

error: Content is protected !!
%d bloggers like this: