Calmes:”Pueblo ta eksihi transparensia!”

 

Calmes:”Pueblo ta eksihi transparensia!”

Pa kiko ta hasi asina difísil pa por praktiká transparensia? Ki dia ta bini transparensia den e proseso di Klesch? Aruba a kaba di demonstra kon por!

Inisialmente Sr. Calmes a duna benefisio di duda na RdK/PMO pa kondusí e proseso di buska un operador pa nos refineria. Sinembargo semper Sr. Calmes a keda boga pa transparensia den e proseso. Su kartanan hasiendo preguntanan riba e proseso Klesch ne mandatarionan korespondiente ta públiko i ta prueba palpabel di su trabou. Kada biaha mester a tende ku RdK/PMO tin un “non disclosure” firmá i ku esaki ta limitá dunamentu di informashon. Te ku awe Parlamento no sa kén ni kuantu kompanianan tabata tin interes den nos refineria. Tampoko representantenan di pueblo no sa ken a hasi e “screening” i bai asina leu di konseha pa bende infrastruktura di pueblo pa un “dollar”. Notabel pa Sr. Calmes ta ku asta e predikadónan di bon gobernashon ta ketu.

Pa Sr. Calmes;”Klaridat ta enemigu di esun ku no ta práktika transparensia den gobernashon”. Gobièrnu di Aruba, meskos ku na Kòrsou, tambe a start un proseso pa buska un operador pa nan planta di petroli. Siman pasa mundu por a mira di un forma bibu na TV di Aruba, kon dilanti un notario e proseso a wòrdu kondusí i mundu por a tuma nota di tur e kompanianan ku tin interes. Kual sea e resultado di e proseso, Aruba a sali i duna kátedra den transparensia. Esaki ta un otro muestra di inkapasidat di RdK/PMO i ku loke Sr. Calmes tabata boga pe no tabata imposibel. ”Transparensia no ta difísil”,sigun Sr. Calmes, basta bo ta sirbi interes di pueblo. 

Kontrinkantenan lo sali i purba laba mente di pueblo ku Aruba ta un otro proseso. Loke Aruba a sali proba, transparensia, ta graba pa eternidat meskos ku e falta di transparensia di RdK/PMO. Sigun Sr. Calmes:”RdK/PMO mester bati retirada!”

This site uses Akismet to reduce spam. Learn how your comment data is processed.

error: Content is protected !!
%d bloggers like this: