Deadline pa FASE ta 15 di augustus pa pago di augustus y september

 

Deadline pa FASE ta 15 di augustus pa pago di augustus y september

 

E Fondo di Asistencia Social di Emergencia miho conoci como FASE ta yega su final. Asina Minister Glenbert Croes a anuncia durante su rueda di prensa.

Manera tur hende sa FASE a keda introduci riba 19 di maart despues cu 13 di maart Gobierno a anuncia su prome casonan di COVID. For di un principio a bisa cu e FASE lo ta pa 3 luna so, pa yuda tur hende surpasa e temporada dificil. Pero mientras tanto Minister Glenbert Croes a prolong’e cu 3 luna mas cu ta termina definitivamente fin di luna di september.

 

Gobierno di Aruba ta consciente cu e situacion no a mehora. Al contrario, cu e di dos ola aki di contagio, e por destabilisa Aruba mas ainda. Pero di otro banda, mester bin cu un solucion structural describi y apoya pa e legislacion necesario te ora cu Aruba sobrepasa e pandemia aki. Kico e Plan B ta, e mandatario no sa. E ta trahando riba diferente scenario cu profesionalnan den e ramo aki.

 

Pa e motibo aki e yamada di e mandatario:

 

  • Si bo situacion laboral no a cambia
  • Ainda bo ta sin trabou
  • Ainda bo tin 0 entrada

aplica pa prolongacion riba www.fasehelpdesk.com

 

Si bo a caba di perde trabou y no tin entrada, aplica riba www.fasehelpdesk.com. Deadline ta 15 di augustus, cu ta bira e ultimo dia cu por aplica pa ambos. Ultimo biaha cu lo paga FASE lo ta september. Pues esunnan cu aplica prome cu 15 di augustus pa prome biaha pa FASE, lo haya esaki solamente pa dos luna.

 

8 augustus 2020

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: